20.02.2023 пачаўся Тыдзень беларускай мовы і літаратуры. Адкрыццё Тыдня праходзіла пад дэвізам “Прымаю па складу, па смаку, па гуку мову маю матчыну!” (П. Макаль). З самай раніцы усе вучні і настаўнікі гімназіі змаглі стаць удзельнікамі праекта “Смак беларускай мовы”: ім прапаноўвалася адгадаць загадку ці зрабіць пераклад слоў з рускай мовы на беларускую. За правільны адказ усе ўдзельнікі атрымлівалі салодкія падарункі. Так карысна і весела пачалі гімназісты чарговы вучэбны тыдзень.

    Працягам першага дня Тыдня стала гімназічная алімпіяда па беларускай мове і літаратуры для вучняў 5-8 класаў, па выніках якой будуць вызначаны ўдзельнікі гарадской алімпіяды “Юны філолаг”.