21 лютага – Міжнародны дзень роднай мовы. У гімназіі з самай раніцы гучалі песні, вершы на беларускай мове. На першым уроку вучні 9-х класаў пад кіраўніцтвам Томчыка Д.С. правялі інфармацыйныя хвілінкі, падчас якіх пазнаёмілі з  гісторыяй ўзнікнення гэтага свята, мэтай правядзення святочных мерапрыемстваў.

    Да Міжнароднага дня роднай мовы  была  прымеркавана рэспубліканская дыктоўка, якая трансліравалася праз сродкі масавай інфармацыі і ў якой прынялі ўдзел вучні 9-10 класаў нашай гімназіі.

    Заканчэннем дня стала экскурсія “Над кнігаю ўлады час не мае”, арганізаваная для  вучняў 7, 8-х класаў  настаўнікамі беларускай мовы і літаратуры Піваварчык Т.А., Томчыкам Д.С., загадчыкам кафедры філалогіі УА “Баранавіцкі дзяржаўны ўніверсітэт”  Чуносавай І.С.,   у бібліятэку БарДУ. Вучні з цікавасцю знаёміліся з кішэннымі  экзэмплярамі кніг, факсімільнымі выданнямі стражытных рукапісаў, кнігамі-юбілярамі 2023 года.